Zorakılığı tanı
Bu test qadınlara qarşı zorakılıq haqqında nə qədər məlumatlı olduğunu anlamağa kömək edir. Suallara cavab verərək həm öz biliklərini yoxlaya, həm də ehtiyac yaranarsa hara müraciət edə biləcəyini öyrənə bilərsən. Hər sualda sənin fikrincə doğru olan bir cavabı seç. Sonda hansı cavablar çoxdursa, o səviyyəyə uyğun sənə məlumat veriləcək.
Sənə tez-tez “sən heç nəyə yaramırsan”, “problemin var”, “günah səndədir” kimi sözlər deyilirmi?
A.
Heç vaxt
B.
Bəzən
C.
Tez-tez
D.
Demək olar ki, hər gün
Səninlə danışan şəxs istər evdə, istər işdə, istər münasibətdə səsini qaldırır, qışqırır və səni qorxudurmu?
A.
Heç vaxt
B.
Nadir hallarda
C.
Çox olur
D.
Demək olar ki, həmişə
Hara getdiyin, kimlə görüşdüyün, telefonunda kimlə yazışdığın sorğu-suala tutulur və nəzarət edilirmi? (bu, istənilən şəxs tərəfindən ola bilər: partnyor, valideyn, qohum, rəhbər və s.)
A.
Etmir
B.
Bəzən maraqlanır
C.
Çox soruşur
D.
Daima nəzarət edir və gizli yoxlayır
Səni ailəndən, dostlarından, həmkarlarından və tanışlarından uzaqlaşdırmağa çalışırlarmı?
A.
Xeyr
B.
Bəzən narahatlığını bildirir
C.
Çox vaxt qarşı çıxır
D.
Açıq şəkildə təcrid edir
Evin və ya olduğun yerin ümumi ab-havası hansına daha çox oxşayır?
A.
Sakit və mehriban
B.
Gərgin, danışılmayan mühit
C.
Narazı, sərt təzyiq göstərən biri var
D.
Açıq aqressiya, qışqırıq və qorxu var
Təhsilinə, karyerana, işləməyinə və öz pulunu qazanmağına mane olmağa çalışırlarmı?
A.
Xeyr
B.
“Etməyin vacib deyil” deyirlər
C.
Açıq narazılıq edilir və irad tutulur
D.
Qəti şəkildə qadağa qoyurlar
Qazancın, pulun və ya şəxsi maliyyə qərarların hansısa şəxsin (bu yalnız partnyor yox, valideyn və ya iş yeri də ola bilər) tam nəzarəti altındadırmı?
A.
Heç vaxt belə olmayıb
B.
Bəzən qarışırlar
C.
Çox vaxt nəzarət edirlər
D.
Pul tamamilə onun əlindədir
Sənə qarşı itələmə, əşya atma, qapını çırpma, yaxına gələrək qorxutma kimi fiziki zorakılıq davranışları göstərilibmi?
A.
Heç vaxt
B.
Bir-iki dəfə olub
C.
Tez-tez olur
D.
Ciddi fiziki zorakılıq var
Özünü gündəlik həyatda (evdə, işdə və ya istənilən mühitdə) daha çox necə hiss edirsən?
A.
Rahat və güvəndə
B.
Narahat, ehtiyatlı
C.
Həmişə gərgin, nə olacağını bilmirəm
D.
Qorxmuş, özümü qorumaq istəyirəm
Sənin razılığın olmadan səndən nəsə tələb (cinsi münasibət, hansısa qərarı qəbul etmək, fiziki yaxınlıq, davranış tələbi və s.) olunur, təzyiq edilir və ya “məcbursanmış” kimi hiss etdirilirmi?
A.
Heç vaxt
B.
Bəzən təzyiq hiss edirəm
C.
Çox vaxt istəmədiyim halda olur
D.
Dəfələrlə razılığım olmadan baş verib
Səni cəzalandırmaq məqsədilə uzun müddət danışmamaq, görməzdən gəlmək, kin saxlamaq kimi davranışlar olurmu?
A.
Etmir
B.
Bəzən olur
C.
Tez-tez edir
D.
Çox tez-tez edir
Hər bir hadisədə “günahkar sənsən”, “sənin ucbatından belə oldu” kimi sözlər deyilirmi?
A.
Nadir hallarda
B.
Bəzən
C.
Tez-tez
D.
Hər dəfə
Sənin əşyalarını, telefonunu, sosial media hesablarını icazən olmadan yoxlayan biri varmı?
A.
Xeyr
B.
Bir neçə dəfə olub
C.
Çox vaxt olur
D.
Daim və gizli şəkildə nəzarət edirlər
Ətrafdakı insanların davranışları sənə daha çox hansı hissi yaşadır?
A.
Güvən və sakitlik
B.
Narahatlıq
C.
Alçaldılma və kədər
D.
Qorxu və təhlükə
İş yerində, ailədə və ya münasibətdə kimdənsə “işdən çıxaracağam”, “səni bağışlamayacağam”, “cəzalandıracağam” kimi hədələr eşidirsənmi?
A.
Heç vaxt
B.
Bəzən
C.
Tez-tez
D.
Daim belə hədələrlə qarşılaşıram
