Hüquq sənin tərəfindədir
Zorakılıq yalnız bir “ailə problemi” deyil, qanun qarşısında cinayətdir.
1. Ailədaxili zorakılıq nədir?
Qanun zorakılığı aşağıdakılar kimi tanıyır:
- Fiziki zorakılıq: vurmaq, itələmək, xəsarət yetirmək;
- Psixoloji zorakılıq: təhqir, hədə-qorxu, təcrid;
- İqtisadi zorakılıq: puldan məhrumetmə, işləməyə qoymamaq;
- Cinsi zorakılıq: razılıqsız yaxınlıq;
- Sosial zorakılıq: ailə və dostlardan ayırmaq.
Bunların hər biri qanun qarşısında müdafiə olunur.
2. Sənin hüquqların nələrdir?
- Təhlükəsizlik hüququ: Həyatına dair təhlükə varsa, polis mühafizəsi tələb edə bilərsən.
- Müraciət hüququ: Polisə, prokurorluğa və ya “116111 Qadın Dəstək Xətti”nə müraciət etmək hüququn var.
- Mühafizə orderi: Qanun zorakılıq törədən şəxsin sənə yaxınlaşmasını qadağan edən mühafizə orderi verir. Bunun üçün yaşadığın bölgə üzrə İcra Hakimiyyətinə yaxınlaşa bilərsən.
- Psixoloji və sosial yardım hüququ: Dövlət və QHT-lər pulsuz dəstək göstərir.
- Sığınacaq hüququ: Təhlükə yüksəkdirsə, Azərbaycanda qadın və uşaqlar üçün sığınacaqlar mövcuddur.
3. Nə vaxt polis çağırmaq olar?
- Fiziki təhdid varsa;
- Sən və ya övladların təhlükədədirsə;
- Təqib, hədə və ya şantaj varsa;
- Şəxsin davranışı getdikcə aqressivləşirsə.
Bu kimi hallarda polis hər zaman müdaxilə etməyə hazırdır.
4. Sübut toplamaq vacibdirmi?
Bəli, amma sübut yoxdur deyə müraciət etməkdən qaçmağa ehtiyac yoxdur.
Bir daha qeyd edək ki, qanun zorakılığın heç bir formasına haqq qazandırmır. Sənin hüquqların var və sən onları tələb edə bilərsən. Çünki hüququn sənin tərəfindədir.
